октомври 2011, ЕУ инфо центар, Скопје

Препораки на Советот за глобална соработка од панел дискусијата:

ЕВРОТЛАНСКИТЕ ИНТЕГРАЦИИ И АКТУЕЛНАТА МЕЃУНАРОДНА ПОЗИЦИЈА НА РЕПУБЛИКА МАКЕДОНИЈА

Советот за глобална соработка оценува дека со новиот Извештај на Европската комисија за напредокот на Република Македонија, недвосмислено се покажа дека е влошена меѓународната позиција на Македонија и дека се доведени во прашање стратешките цели за евроатланските интеграции на земјата. Од регионален лидер во евроатланскиот интегративен процес, Република Македонија остана на дното на кандидатската листа од Западен Балкан.

22 март 2011

Амбасадорката на Кралството Холандија Н.Е. Симоне Филипини беше гостин-говорник на Претседателскиот круг на Советот за глобална соработка на тема: „Приодот на членките на ЕУ и НАТО кон актуелната меѓународната позиција на Република Македонија“.

До

Медиумите

СООПШТЕНИЕ

Советот за глобална соработка со згрозеност ги осудува обидите на дел од медиумите и власта во Република Македонија за создавање на клима на линч против странските претставници во земјата, за создавање антиевропско и антиамериканско расположение во јавноста, за губење на стратешките партнери и туркање на земјата во изолација и влошување на нејзината меѓународна позиција и надворешна политика.

Последниот напад кон амбасадорот Филип Рикер и претходните атакувања врз амбасадорите Ерван Фуере, Симоне Филипини и европратеникот Зоран Талер, нанесуваат огромна штета на веќе нарушениот имиџ на Република Македонија пред меѓународната заедница и директно ги загрозуваат стратешките приоритети на земјата.

Востановената практика на предизвикување неразумни конфликти со докажани пријатели на нашата земја, го сметаме не само за недипломатски чин, туку за дел од една неразумна политика која создава далекусежни негативни последици за иднината на Република Македонија.

Со почит,

Претседател на Советот за глобална соработка